Darganfod. Archwillio. Mae’n fwrlwm o fywyd y tu allan.
O filltiroedd o arfordir syfrdanol i diroedd gwyllt Bryniau Preseli, mae cefn gwlad hardd a bywyd gwyllt sy’n ffynnu yn gwneud Parc Cenedlaethol Arfordir Penfro yn un o’r llefydd gorau i ymweld ag ef. Mae Llwybr Arfordir Penfro'n troi ac yn troelli ar hyd 186 milltir o’r arfordir mwyaf trawiadol ym Mhrydain – o glogwyni garw i draethau eang ac aberoedd troellog. O deithiau cerdded hamddenol ac edrych ar y sêr, i hobïau llawn cyffro fel syrffio ac arforgampau, gallwch chi ganfod yr hyn sy’n rhoi modd i fyw i chi ar Arfordir Penfro. Ewch ar daith ddarganfod a chwilio am y golygfeydd, y tywod a’r rhywogaethau prin sy’n gwneud y gornel hon o Orllewin Cymru mor ysblennydd!
