Mae gan yr Ystafell Ddarganfod man arddangos ar gyfer gweithiau celf 3D, gan gynnwys cerameg, gemwaith, gwydr a cherflunwaith.
Mae ceisiadau arddangos ar gau ar hyn o bryd. E-bostiwch ni i gael mwy o wybodaeth am arddangosfeydd.
Moroedd Gwyrddlas a Glannau Creigiog gan Jane Boswell
Dydd Sadwrn 8 Mawrth i ddydd Mawrth 29 Ebrill 2025
Mae’r arddangosfa hon yn ddathliad o harddwch aruchel arfordir a môr Sir Benfro. Mae paentiadau Jane yn dal grym pwerus natur, gan ennyn y teimlad o ymgolli yn y llanw o foroedd cynddeiriog i ddyfroedd tawel. Mae Jane yn nofiwr gwyllt angerddol ac yn cael ei hysbrydoli gan y cildraethau tawel a’r ymylon llanw, gan drosi’r profiadau hyn yn ei gwaith celf. Mae ei phowlenni a’i seigiau’n adlewyrchu arlliwiau bywiog pyllau glan môr – gwyrddlas, glas, porffor a gwyrdd – wedi’u saernïo o glai lled-borslen gyda gwydredd swigod ac wedi’u gorffen ag arian neu aur, gan ychwanegu ymdeimlad o werthfawrogrwydd. Mae ei “Chrochynau Môr” wedi’u hysbrydoli gan byllau glan môr Porth Mawr ac yn dal harddwch amrwd siapiau wedi’u cerflunio gan ddŵr a’r bywyd cain sy’n glynu wrth y lan.
