Gŵyl Tir a Môr
Dydd Gwener 28 i ddydd Sul 30 Mawrth 2025
Mae Oriel y Parc yn gyd-westeiwr ar gyfer Gŵyl Tir a Môr, am fwy o wybodaeth ewch i tiramorstdavids.co.uk am fanylion digwyddiadau ar draws penrhyn Tyddewi.
Dewch i gwrdd â Will Chant, Llywiwr Bad Achub Tyddewi
Dydd Sadwrn 29 Mawrth 2025, sgyrsiau 15 munud am ddim. 11am, hanner dydd a 2pm
Ymunwch â ni yn arddangosfa Calon a Chymuned: RNLI 200 Cymru am sgwrs arbennig gan Will Chant, Llywiwr Bad Achub Tyddewi. Dysgwch am y camau hollbwysig sydd ynghlwm wrth lansio bad achub ar gyfer cyrch achub a chael cipolwg ar sgil ac ymroddiad criw’r RNLI. Galwch draw i ddarganfod gwaith achub bywyd yr RNLI mewn gweithredu.
AM DDIM
Caneuon y Môr gyda Mike Chant
Dydd Sadwrn 29 Mawrth 2025 o 11am
Ymunwch â’r cerddor lleol, Mike Chant, wrth iddo ddod ag ysbryd arfordir Sir Benfro yn fyw trwy ganeuon sydd wedi’u hysbrydoli gan y môr. Galwch heibio a mwynhau dathliad cerddorol o dreftadaeth forwrol a harddwch arfordirol.
AM DDIM
Llwybr Antur Wyau!
Dydd Sadwrn 12 i ddydd Sul 27 Ebrill 2025
Wrth i’r gwanwyn ddeffro, felly hefyd hud bywyd newydd! Wrth i chi grwydro drwy ein coetir, cwrt, a thiroedd, darganfyddwch wyau cudd ar hyd ein Llwybr Wyau.
O wyau mân, brith adar y gân i drysorau trawiadol adar y môr, mae wyau Pasg natur yn aros i gael eu darganfod!
£4 y plentyn
Gwnewch ac Ewch: Cartrefi Draenog
Dydd Mercher 16 Ebrill 2025, 11am – 3pm
Paratowch ar gyfer Wythnos Ymwybyddiaeth Draenogod trwy adeiladu lloches glyd ar gyfer yr ymwelwyr gardd annwyl hyn! Dysgwch sut i gefnogi ein draenogod lleol a rhoi lle diogel iddynt yn eich gardd. Gweithgaredd ymarferol hwyliog ar gyfer rhai sy’n hoff o fyd natur!
£4 y plentyn, sesiynau galw heibio
Gwnewch ac Ewch: Gweithdy Noddfa Buchod Coch Cwta
Dydd Mercher 23 Ebrill 2025, 11am – 3pm
Crëwch bryfyn côn pîn lliwgar i annog buchod coch cwta i mewn i’n gerddi!
£4 y plentyn, sesiynau galw heibio
Gweithdy Printiau Barddoniaeth wedi’i Fforio gan Bean Sawyer
Dydd Iau 23 Ebrill 2025, 10am – 1pm
Gweithdy i’r teulu ar gyfer oedolion a phlant 11 oed a hŷn (yng nghwmni oedolyn)
Cyfle i greu printiau cyanoteip hardd allan o bapur a ffabrig drwy ddefnyddio geiriau a chasglu deunyddiau naturiol. Mae cyanoteip yn un o’r prosesau ffotograffig hynaf, lle mae delweddau’n agored i olau’r haul, sy’n creu print lliw glas Prwsiaidd unigryw.
Darperir yr holl ddeunyddiau, gydag amser ar gael i fforio am ddail!
Mae Bean Sawyer yn rhedeg prosiect barddoniaeth bost Murmuriad o Eiriau, a gafodd ei arddangos yn Oriel y Parc ynghyd â phrintiau cyanoteip ddiwedd y llynedd.
Uchafswm o 10 o bobl.
£40 y pen
Rhaid archebu lle. Ffoniwch 01437 720392 i archebu.
