Cylchlythr blynyddol 2022 Gwarchod Treftadaeth
Gan weithio gyda Heddlu Dyfed-Powys, Cadw, Ymddiriedolaeth Archaeolegol Dyfed, Ymddiriedolaeth Archaeolegol Clwyd-Powys ac Awdurdod Parc Cenedlaethol Bannau Brycheiniog, sefydlodd Awdurdod Parc Cenedlaethol Arfordir Penfro Gwarchod Treftadaeth i:
- Godi ymwybyddiaeth y cyhoedd o safleoedd sydd mewn perygl o droseddau treftadaeth
- Galluogi’r cyhoedd i roi gwybod am droseddau treftadaeth
- Darparu sesiynau hyfforddi ar gydnabod safleoedd treftadaeth a chydnabod troseddau treftadaeth
- Monitro a phatrolio safleoedd sydd mewn perygl o droseddau treftadaeth
- Atgyweirio safleoedd y mae troseddau treftadaeth yn effeithio arnynt.
Nod y cylchlythyr hwn yw darparu crynodeb o weithgareddau a materion sy’n ymwneud â Chynllun Gwarchod Treftadaeth Dyfed-Powys ar gyfer 2022.
Adroddiadau troseddau treftadaeth
Daeth nifer o adroddiadau ar droseddau treftadaeth i law, gan gynnwys; graffiti, aflonyddwch, llosgi bwriadol, difrod ac ymddygiad gwrthgymdeithasol.
Patrolau
Ymwelwyd â safleoedd yr effeithiwyd arnynt neu sydd mewn perygl o droseddau treftadaeth. Roedd hyn yn cynnwys patrolau gan gydweithwyr o blith yr heddlu, staff o sefydliadau cysylltiedig a gwirfoddolwyr.
Cyhoeddusrwydd
Sefydlwyd cyfrif Twitter a threfnwyd bod negeseuon yn cael eu postio’n rheolaidd er mwyn codi ymwybyddiaeth o droseddau treftadaeth a’r cyfrwng adrodd priodol. Cynhaliwyd sgyrsiau cyhoeddus am ddim.
Hyfforddiant
Darparwyd hyfforddiant rhithiol ar droseddau treftadaeth gan weithwyr treftadaeth proffesiynol i gydweithwyr yn Heddlu Dyfed-Powys.
Atgyweirio
Gwnaed gwaith atgyweirio ar safleoedd yr effeithiodd troseddau treftadaeth arnynt, gan gynnwys glanhau graffiti ac aflonyddu ar garneddi.
Cofiwch – Os gwelwch chi rywbeth, rhowch wybod i’ch heddlu lleol, gan ddefnyddio #YmgyrchTreftadaethCymru
I gysylltu â thîm GwarchodTreftadaeth e-bostiwch archaeloeg@arfordirpenfro.org.uk.
